Ҳудудларда жиноятчиликни олдини олиш борасидаги ташкилий-назорат чора-тадбирлар

Мазкур мақолада ҳудудларда жиноятчиликни олдини олиш борасидаги ташкилий-назорат чора-тадбирларнинг назарий ва амалий жиҳатлари таҳлил қилинган. Жиноятчилик профилактикаси тизимида барвақт огоҳлантириш, институционал мувофиқлаштириш, маҳалла даражасида хавфсиз муҳит яратиш ҳамда электрон мониторинг механизмларининг ўрни илмий манбалар асосида ёритилган. Шунингдек, Республика идоралараро мувофиқлаштириш ишчи гуруҳи фаолияти, ҳудудий “йўл хариталари” механизми ва натижадорлик индикаторларига асосланган назорат тизимининг аҳамияти таҳлил этилган. Халқаро тажриба, жумладан, community policing ва situational crime prevention концепциялари мисолида профилактиканинг самарали моделлари қиёсий ўрганилган. Тадқиқот натижасида ҳудудларда жиноятчиликни камайтиришда комплекс, манзилли ва илмий асосланган ташкилий-назорат чоралари ҳал қилувчи аҳамият касб этиши асослаб берилган.