Ҳудудларда жиноятчиликни олдини олишда «ижтимоий профилактика ҳафталиги» ни ташкил этиш ва ўтказиш тартибини ўрни

Мазкур тадқиқотда ҳудудларда жиноятчиликни олдини олиш тизимида «Ижтимоий профилактика ҳафталиги»ни ташкил этиш ва ўтказиш тартибининг ўрни илмий-назарий ва амалий жиҳатдан таҳлил қилинган. Ижтимоий профилактика жиноятчиликнинг сабаб ва шарт-шароитларини бартараф этишга қаратилган комплекс механизм сифатида ёритилиб, унинг маҳалла институти орқали амалга оширилиши самарали йўналиш экани асосланган. Ҳафталикни ташкил этишда криминоген вазиятни таҳлил қилиш, манзилли режалаштириш, идоралараро ҳамкорликни таъминлаш, аҳолининг ҳуқуқий онги ва маданиятини юксалтириш ҳамда ижтимоий муаммоларни ҳал қилишга қаратилган чора-тадбирлар муҳим аҳамият касб этиши кўрсатилган. Илмий тадқиқотлар ва расмий статистик маълумотлар асосида мазкур механизм жиноятчиликни барвақт олдини олишга хизмат қилиши илмий жиҳатдан асосланган.