YANGI TA'LIM TIZIMIDA O'ZBEK TILI VA ADABIYOTI FANLARINI O'QITISHDA INTERFAOL USULLARNING AHAMIYATI

Bugungi globallashuv va raqamli texnologiyalar rivoji sharoitida ta’lim tizimi tubdan yangilanmoqda. Endilikda ta’lim jarayoni faqat bilim berishga emas, balki o‘quvchilarning mustaqil fikrlashi, ijodkorligi, muloqot madaniyati va tanqidiy tafakkurini rivojlantirishga yo‘naltirilmoqda. Shu jihatdan yangi ta’lim tizimida interfaol usullarning joriy etilishi muhim ahamiyat kasb etadi. Ayniqsa, o‘zbek tili va adabiyoti fanlarini o‘qitishda interfaol metodlardan foydalanish o‘quvchilarning tilga bo‘lgan qiziqishini oshiradi, ularni faol subyektga aylantiradi va dars samaradorligini ta’minlaydi.