TEXNOLOGIYALAR YORDAMIDA TA'MINOT ZANJIRINI BOSHQARISH

Zamonaviy iqtisodiyot sharoitida ta’minot zanjiri korxona va tashkilotlar faoliyatining eng muhim tarkibiy qismlaridan biri hisoblanadi. Ishlab chiqarish jarayonidan boshlab mahsulot yoki xizmatni yakuniy iste’molchiga yetkazib berishgacha bo‘lgan barcha bosqichlar o‘zaro uzviy bog‘liq bo‘lib, ularni samarali boshqarish yuqori raqobat sharoitida muhim ahamiyat kasb etadi. Mazkur tezisda ta’minot zanjirini boshqarishda zamonaviy texnologiyalarning tutgan o‘rni va ahamiyati atroflicha yoritib beriladi. Axborot texnologiyalari, ERP tizimlari, sun’iy intellekt, Big Data, Internet of Things (IoT), blokcheyn, avtomatlashtirish va robototexnika tizimlarining ta’minot zanjiri jarayonlariga ta’siri tahlil qilinadi. Shuningdek, risklarni boshqarish, xarajatlarni kamaytirish va biznes samaradorligini oshirishda texnologiyalarning roli ko‘rib chiqiladi. O‘zbekiston sharoitida ta’minot zanjirini raqamlashtirish jarayonlari, ularning iqtisodiyot rivojiga ta’siri va istiqbollari ham alohida e’tiborga olinadi.