FOYDA VA DIVIDENDLARNING IQTISODIY KATEGORIYA SIFATIDAGI MAZMUNI VA UNGA OID NAZARIY QARASHLARNING KONSEPTUAL ASOSLARI

Zamonaviy iqtisodiy sharoitda korxona foydasi nafaqat korxonaning rivojlanish manbai, balki umuman milliy iqtisodiyotning oʻsishi uchun zamin yaratadi. Sababi shundaki, korxona foydasini soliq tizimi orqali qayta taqsimlash mexanizmi barcha darajadagi davlat byudjetlarining daromad qismini "toʻldirish" ga imkon beradi, bu esa davlatga oʻz vazifalarini muvaffaqiyatli bajarish va rejalashtirilgan iqtisodiy rivojlanish dasturlarini amalga oshirishga imkon beradi. Korxona foydasi tadbirkorlik faoliyatining asosiy maqsadi hisoblanadi va korxona xodimlarining faoliyatini ragʻbatlantiradi. Korxonaning moliyaviy resurslarini shakllantirishning asosiy ichki manbai, uning rivojlanishini ta’minlash, shuningdek ishlab chiqarish faoliyati samaradorligining asosiy mezoni hisoblanadi. Shuning uchun korxonaning foyda olishini samarali boshqarish usullarini oʻzlashtirish mamlakat rivojlanishining hozirgi bosqichidagi dolzarb vazifadir.