QO'LLANMALARDA UCHRAYDIGAN LAKUNALARNING O'QITISH SIFATINI BAHOLASH

Ushbu maqolada darslik va o‘quv qo‘llanmalarida uchraydigan lakunalar – mazmuniy yetishmovchiliklar, terminologik noaniqliklar, mantiqiy uzilishlar hamda metodik nomuvofiqliklarning ta’lim jarayoniga ko‘rsatadigan ta’siri tizimli ravishda o‘rganiladi. Tadqiqotda tahliliy va diagnostik yondashuvlar qo‘llanib, lakunalarning o‘quvchilar bilimining shakllanishi, o‘quv motivatsiyasi va mavzularni o‘zlashtirish sifatiga ta’sir darajasi baholanadi. Natijalar shuni ko‘rsatadiki, darsliklardagi bo‘shliqlar ta’lim samaradorligining pasayishiga, metodik izchillikning buzilishiga va o‘quvchi faoliyatida noto‘g‘ri tushunchalar shakllanishiga olib keladi. Maqolada darsliklarni takomillashtirish bo‘yicha ilmiy asoslangan tavsiyalar ilgari surilib, lakunalarni erta aniqlash hamda bartaraf etish ta’lim sifatini oshirishning muhim omili ekani asoslab beriladi.