SUN'IY INTELLEKT ASOSIDA TERI KASALLIKLARINI RASM ORQALI AVTOMATIK ANIQLASH TIZIMINI ISHLAB CHIQISH

Ushbu maqolada sun’iy intellekt, mashinali o‘rganish va kompyuter ko‘rishi texnologiyalariga asoslangan holda teri kasalliklarini rasm orqali avtomatik aniqlash tizimini ishlab chiqish masalalari tadqiq etiladi. Tadqiqotning asosiy maqsadi dermatologik tasvirlarni qayta ishlash va tahlil qilish orqali kasalliklarni inson aralashuvisiz aniqlay oladigan intellektual tizim yaratishdan iborat. Maqolada tashxis qo‘yish jarayonida yuzaga keladigan muammolar, jumladan inson omiliga bog‘liq subyektivlik va vaqt sarfining ko‘pligi tahlil qilinadi. Taklif etilayotgan tizim konvolyutsion neyron tarmoqlari (CNN) asosida ishlab chiqilgan bo‘lib, tasvirlardagi rang, tekstura va shakl xususiyatlarini aniqlash imkonini beradi. Tajriba natijalari modelning yuqori aniqlik ko‘rsatkichlariga ega ekanligini tasdiqlaydi.