УМУРТҚА АРТЕРИЯСИ СИНДРОМИ (УАС) БИЛАН ОҒРИГАН БЕМОРЛАРДА КОГНИТИВ ФУНКЦИЯ ВА ЭМОЦИОНАЛ ҲОЛАТ: ПАТОГЕНЕТИК ВА КЛИНИК ТАҲЛИЛ

Умуртқа артерияси синдроми (УАС) – умуртқа артерияси ёки унинг шохларининг ишламаслиги натижасида мия пояси ва кичик мия тузилмаларининг ишемик шикастланиши билан боғлиқ неврологик ҳолат. УАС нафақат мотор ва сенсор бузилишлар, балки когнитив ва психоэмоционал дисфункцияга ҳам олиб келади. Беморларда диққат ва консентрациянинг заифлашиши, хотиранинг пасайиши, хавотир ва депрессия даражасининг ошиши кузатилади.