TALABALAR JAMOASIDA GURUH SARDORINING BOSHQARUV ROLI: REFLEKSIYA VA IJTIMOIY XULQ-ATVOR OMILLARI

Mazkur maqolada oliy ta’lim muassasalarida amal qilayotgan guruh sardori talabalarda salbiy refleksiya shakllanishiga ta’sir etuvchi omil sifatida tahlil qilinadi. Tadqiqotning asosiy maqsadi ushbu institutsional rolning talabalar ijtimoiy-psixologik rivojlanishida salbiy holatlarni qanday rag‘batlantirishini aniqlash hamda uni muqobil boshqaruv modellari bilan almashtirish imkoniyatlarini asoslashdan iborat. Tadqiqotda institutsional, ijtimoiy-psixologik va korrupsiyaga qarshi tizimli tahlil usullaridan foydalanildi. Natijada guruh sardori doirasida norasmiy vakolatlarning shakllanishi mikro-korrupsion xatti-harakatlar uchun qulay muhit yaratishini hamda talabalar ongida salbiy refleksiv qarashlarni mustahkamlashini ko‘rsatilgan. Tadqiqot yakunida ushbu institutni bekor qilish va shaffof, zamonaviy boshqaruv tizimini joriy etish bo‘yicha tavsiyalar berilgan.