O'RTA ASR ISLOM TAFAKKURIDA ILM VA AXLOQ DIALEKTIKASI: IBN HAJAR AL-ASQALANI MEROSI MISOLIDA

Maqolada XIV–XV asrlar islom ilmiy tafakkuri doirasida ilm va axloq o‘rtasidagi munosabat masalasi Ibn Hajar al-Asqalani merosi asosida tahlil qilinadi. Xususan, “Fath al-Bārī bi Sharh Sahih al-Bukhārī” asari misolida ilmiy-axloqiy tarbiya konsepsiyasining metodologik va ma’naviy asoslari ochib beriladi. Tadqiqotda ilmiy halollik, rivoyat zanjirini tekshirish, ustoz-shogird silsilasi, niyat pokligi va sabr tamoyillari ilmiy jarayonning ajralmas tarkibiy qismlari sifatida yoritiladi. Muallif Ibn Hajar ilmni faqat bilish vositasi emas, balki ma’naviy kamolot va ijtimoiy mas’uliyat mezoni sifatida talqin qilganini asoslaydi.