SUN'IY INTELLEKT TEXNOLOGIYALARI YORDAMIDA BOSHLANG'ICH SINF O'QUVCHILARINING IJODIY FIKRLASHINI RIVOJLANTIRISH

Ushbu maqolada sun’iy intellekt (AI) texnologiyalarining boshlang‘ich sinf o‘quvchilarining ijodiy fikrlashini rivojlantirishdagi pedagogik imkoniyatlari tahlil qilinadi. Tadqiqotda AI vositalari yordamida o‘quvchilarning innovatsion va muammoli fikrlash ko‘nikmalarini shakllantirish, interaktiv va shaxsga yo‘naltirilgan ta’lim jarayonini tashkil etish metodlari yoritilgan. Shuningdek, maqolada xorijiy va O‘zbekiston tajribalaridan kelib chiqqan holda AI texnologiyalarini boshlang‘ich ta’limga joriy etishning samaradorligi va pedagogik afzalliklari ta’kidlangan. Tadqiqot natijalari sun’iy intellekt yordamida o‘quvchilarning ijodiy yondashuvini kuchaytirish, fanlararo integratsiyani rivojlantirish va ta’lim jarayonini yanada interaktiv qilish imkoniyatlarini ko‘rsatadi.