XALQARO YUK TASHUVLARINI TARTIBGA SOLISHDA XALQARO TASHKILOTLARNING O'RNI

Mazkur maqolada xalqaro yuk tashuvlarini huquqiy tartibga solishda xalqaro tashkilotlarning o‘rni va ahamiyati har tomonlama tahlil qilingan. Xususan, Birlashgan Millatlar Tashkiloti va uning ixtisoslashgan muassasalari, shuningdek, xalqaro nodavlat tashkilotlar tomonidan qabul qilingan konvensiyalar, bitimlar va qoidalar orqali xalqaro yuk tashuvlarini tartibga solish mexanizmlari yoritilgan. Maqolada xalqaro transport huquqining manbalari, ularning milliy qonunchilik bilan o‘zaro bog‘liqligi hamda xalqaro tashuvlarda huquqiy muvofiqlashtirish zarurati asoslab berilgan. Tadqiqot natijasida xalqaro tashkilotlarning xalqaro yuk tashuvlarini barqaror, xavfsiz va samarali tashkil etishdagi hal qiluvchi roli xulosalangan.