ЖИГАРНИНГ СУРУНКАЛИ ДИФФУЗ КАСАЛЛИКЛАРИ ЭПИДЕМИОЛОГИЯСИ, ЭТИОПАТОГЕНЕЗИ ВА КЛИНИК-МОРФОЛОГИК ХУСУСИЯТЛАРИНИ КОМПЛЕКС ТАҲЛИЛИ

Эпидемиологик маълумотлар бутун дунёда ЖСДК билан оғриган беморлар сонининг ортиб бораётганини, айниқса, МДЁЖКнинг метаболик синдром билан биргаликда глобал пандемия даражасига етганини кўрсатмоқда. Сурункали вирусли гепатитлар жигарнинг сурункали яллиғланишининг энг кенг тарқалган сабабларидан бири ҳисобланади. ЖССТ маълумотларига кўра, дунё бўйича 257 миллион киши сурункали HBV инфекцияси билан яшайди. Катталарда HBV инфекциясининг сурункали шаклга ўтиш эҳтимоли 5% дан кам бўлса-да, перинатал юқтириш ҳолатларида бу кўрсаткич 90% гача етади [2,3,6].