MIOKARD REVASKULYARIZATSIYASIDAN KEYIN YUIK BILAN OG'RIGAN BEMORLARNING HAYOT SIFATI VA FUNKSIONAL HOLATINI KOMPLEKS BAHOLASH

Yurak ishemik kasalligi (YuIK) aholi o‘limi va nogironlik ko‘rsatkichlariga sezilarli ta’sir ko‘rsatadigan eng keng tarqalgan va ijtimoiy ahamiyatga ega patologiyalardan biri bo‘lib qolmoqda. Davolashning yuqori texnologik usullari, shu jumladan teri orqali koronar aralashuvlar (TOKA) va koronar shuntlash (KSH) operatsiyalarining rivojlanishiga qaramay, revaskulyarizatsiya taktikasini optimal tanlash va uning samaradorligini bashorat qilish muammosi hal etilmagan. Koronar oqimning anatomik xususiyatlari, miokardning shikastlanish darajasi, yondosh kasalliklarning mavjudligi va bemorlarning funksional holatidagi farqlar bemorlarni shaxsiy tanlash va boshqarishning yanada aniq vositalarini ishlab chiqishni talab qiladi.