MEHNAT MUHOFAZASI BO'YICHA XODIMLARNI O'QITISHNING HUQUQIY ASOSLARI VA ISHLAB CHIQARISH SAMARADORLIGIGA TA'SIRI

Ishlovchilarni mehnat muhofazasi qoidalari va talablariga o‘qitishning huquqiy-me’yoriy asoslari Zamonaviy texnika va texnologiyaning jadal rivojlanishi, yangi mashina va mexanizmlarning ishlab chiqarishga joriy etilishi ishlab chiqarishda faoliyat ko‘rsatayotgan har bir ishlovchining yuqori malakali bo‘lishligini, texnika xavfsizligi bo‘yicha qoida va talablarni chuqur tushunadigan va unga amal qiladigan bo‘lishi kerakligini talab etadi. Hozirgi vaqtda xavfsizlikni ta’minlash borasida olib borilayotgan tashkiliy, texnik, sanitar-gigiyenik va boshqa turdagi tadbirlarga, turli tavsiyanomalar, qoida va me’yorlar ishlab chiqilganligiga qaramasdan, ishlab chiqarish korxonalarda baxtsiz hodisalarni butunlay bartaraf etishni ta’minlash imkoniyati mavjud emas.