XUSUSIY INTEGRAL TENGLAMALAR SISTEMASINI YECHISH

Mazkur maqolada xususiy integral tenglamalar sistemasining matematik mohiyati hamda ularni yechish masalalari tahlil qilinadi. Tadqiqot davomida Fredholm va Volterra tipidagi ikkinchi tur integral tenglamalar sistemalari umumiy ko‘rinishda qaralib, ularning yechimga ega bo‘lish shartlari va asosiy xossalari yoritiladi. Integral yadroning tuzilishiga alohida e’tibor qaratilib, ajraluvchi (degeneratsiyalangan) yadrolarga ega bo‘lgan sistemalarni yechishning samarali usullari ko‘rsatib beriladi. Olingan natijalar integral tenglamalar nazariyasini o‘rganishda hamda matematik modellashtirishga oid amaliy masalalarni yechishda muhim nazariy va amaliy ahamiyatga ega bo‘lib, tadqiqot natijalari oliy ta’lim muassasalarida matematik analiz va funksional analiz fanlarini o‘qitishda metodik manba sifatida foydalanilishi mumkin.