КУЧЛИ ТАЪСИР ҚИЛУВЧИ ЁКИ ЗАҲАРЛИ МОДДАЛАР БИЛАН ҚОНУНГА ХИЛОФ РАВИШДА МУОМАЛА ҚИЛИШ ЖИНОЯТЛАРИНИНГ САБАБЛАРИ ВА ИМКОН БЕРГАН ШАРТ-ШАРОИТЛАРИ

Ушбу мақолада кучли таъсир қилувчи ёки заҳарли моддалар билан қонунга хилоф равишда муомала қилиш билан боғлиқ жиноятларнинг сабаблари ва ушбу ҳуқуқбузарликларга имкон берган шарт-шароитлар таҳлил қилинган. Муаллиф криминологияда жиноят сабаблари ва шарт-шароитларини аниқлаш борасидаги назарий қарашларни ёритиб, детерминация тушунчасининг фалсафий ва ҳуқуқий жиҳатларини кенг ёритади. Детерминация – бу жамият ва табиатдаги ҳодисалар ўртасидаги боғлиқликни ифода этадиган тушунча бўлиб, ундаги марказий бўғин – сабабиятдир. Сабабият – бу ҳодисалар ўртасидаги объектив алоқа бўлиб, унда бир ҳодиса (сабаб) иккинчисини (оқибат) келтириб чиқаради. Криминологияда эса жиноятнинг юзага келишидаги сабаблар ва шарт-шароитлар жиноятчилик детерминантлари сифатида қаралади.