ICHKI NAZORAT TIZIMI SAMARADORLIGINI ANIQLASHDA XORIJ TAJRIBALARI

Ichki nazorat tizimini aniqlashda xorij tajribasi ancha oldinda desak xato qilmagan bo‘lamiz. Xorijiy davlatlardan Rossiya federatsiyasi olimlari izlanishlari va tadqiqotlari natijasiga nazar soladigan bo‘lsak, ular ichki nazorat tizimi korporativ boshqaruvning asosiy bo‘g‘ini deb hisoblaydi. Hozirgi kunda esa korporativ boshqaruvga bo‘lgan talab oshib bormoqda, chunki korporativ boshqaruv yaxshi yo‘lga qo‘yilgan tashkilotlarda rivojlanish odimlanayotganiga guvoh bo‘lamiz. Rossiya olimlaridan biri I.Krasnovaning fikricha, haligacha ichki nazorat tizimini aniqlashning aniq bir tartibi ishlab chiqilmagan. Olim ichki nazorat tizimini tushunishda korxonaning strukturasi, metodikasi, biznes jarayoni, kuzatuv kengashi, nazorat va ijro organlari, moddiy javobgar shaxslar va boshqa shu kabi shaxslarning qabul qiladigan qarorlari bilan bog’laydi.