JINOYATLARNI OLDINI OLISH TIZIMINI RAQAMLASHTIRISHDA XALQARO STANDARTLAR TAHLILI

Jinoyatlarni oldini olish tizimini raqamlashtirish masalasi O‘zbekiston Respublikasida so‘nggi yillarda amalga oshirilayotgan keng ko‘lamli raqamli transformatsiya siyosati bilan uzviy bog‘liqdir. Ushbu jarayon nafaqat texnologik modernizatsiyani, balki huquqiy mexanizmlarni qayta ko‘rib chiqishni ham talab etadi. So‘nggi yillarda Predictive Policing, biometrik identifikatsiya, real vaqt kuzatuv tizimlari va sun’iy intellekt asosida xavf tahlillari kabi texnologiyalar jinoyatlarni oldini olishda markaziy vosita sifatida ishlatilmoqda. Shu bilan birga, bu jarayon inson huquqlari va shaxsiy hayotning daxlsizligi bilan bog‘liq yangi muammolarni yuzaga keltirmoqda. Shu bois xalqaro standartlar va tavsiyalar jinoyat profilaktikasini raqamlashtirish jarayonining qonuniy, etik va texnik chegaralarini belgilashda muhim ahamiyat kasb etadi.