"1942-YIL. KUZ" SHE'RIDA URUSH DAVRI BOLALIGI

Mazkur maqolada Aleksandr Faynbergning “1942-yil. Kuz” she’ri poetik, semantik va kompozitsion jihatdan tahlil qilinadi. Asarda Ikkinchi jahon urushi yillaridagi bolalik manzarasi, yetishmovchilik va ruhiy holat badiiy detallar orqali ochib berilgan. She’rda takror, tovush tasviri, sintaktik soddalik va bolalar nutqiga xos ifoda vositalari urushning og‘ir ijtimoiy muhitini chuqurroq his etishga xizmat qiladi. Tahlil jarayonida asarning obrazlar tizimi, ritmik qurilishi, ramziy qatlamlari va muallifning estetik pozitsiyasi yoritiladi.