KICHIK MAKTAB YOSHIDA O'ZARO MUNOSABATLARNI RIVOJLANTIRISHNING PSIXOLOGIK XUSUSIYATLARI

Ma’lumki, atrofdagi insonlar bilan munosabatlar bolalik davrida paydo bo‘ladi va faol rivojlanadi. Bunday munosabatlar tajribasi bola shaxsining rivojlanishi uchun poydevor bo‘lib, ko‘p jihatdan uning o‘ziga, boshqalarga va umuman dunyoga bo‘lgan munosabatining xususiyatlarini belgilaydi. Tengdoshlariga intilish, ular bilan muloqotga chanqoqlik maktab o‘quvchisi uchun tengdoshlar guruhini nihoyatda muhim va ahamiyatli qiladi. Tengdoshlar guruhi bilan ijtimoiy munosabatda bo‘lish ko‘nikmalarini egallash va do‘stlar orttirish qobiliyati ushbu yosh bosqichidagi rivojlanishning eng muhim vazifalaridan biridir.