DAVLAT-XUSUSIY SHERIKLIK SHAROITIDA INFRATUZILMA LOYIHALARINI MOLIYALASHTIRISHNING NAZARIY ASOSLARI VA AMALIY MEXANIZMLARI TAKOMILLASHTIRISH

Hozirgi globallashuv va iqtisodiy raqobat sharoitida infratuzilma tarmoqlarining barqaror rivojlanishi mamlakatlar iqtisodiy o‘sishining muhim omillaridan biri hisoblanadi. Transport, energetika, kommunal xizmatlar, sog‘liqni saqlash va ta’lim infratuzilmasini rivojlantirish katta hajmdagi moliyaviy resurslarni talab etadi. Davlat byudjeti imkoniyatlarining cheklanganligi sharoitida ushbu ehtiyojlarni to‘liq qoplash imkoniyati mavjud emasligi sababli infratuzilma loyihalarini moliyalashtirishda muqobil mexanizmlarni joriy etish zarurati yuzaga kelmoqda. Shu nuqtayi nazardan davlat-xususiy sheriklik mexanizmi infratuzilma loyihalarini moliyalashtirish va boshqarishning samarali institutsional shakli sifatida namoyon bo‘lmoqda.