ABDULLA SHER IJODIDA LIRIK QAHRAMON KONSEPSIYASI

Ushbu maqolada zamonaviy o‘zbek she’riyati namoyondalaridan biri - Abdulla Sher ijodining badiiy-estetik xususiyatlari tahlil qilinadi. U. Normatov, A. Haymetov, V.Zohidov kabi adabiyotshunos olimlarimizning shoir ijodi xususidagi fikrlariga ilmiy munosabat beriladi. Abdulla Sher ijodida Oybek va Mirtemir an’analarining izchil davom etishi ta’kidlanadi. Shoirning realizmga yo‘g‘rilgan she’rlari, hayotiy voqealarga yaqinligi, xalqona ruh, zamonga munosabat bildiruvchi lirik obrazlar orqali ifodalanadi. Undagi she’riy mahorat inson obrazining, uning ichki va tashqi borlig‘ini atroflicha chuqur, badiiy gavdalantira bilishida namoyon bo‘ladi .