ROSSIYA IMPERIYASINING HARBIY-SIYOSIY STRATEGIYASI VA MENNONIT NEMISLARINING TURKISTONDAGI TAQDIRI

Mazkur maqolada XIX asrda Rossiya imperiyasining mustamlakachilik siyosati, harbiy islohotlari va demografik strategiyasi doirasida mennonit nemislarining Turkistonga ko‘chib kelish jarayoni ilmiy jihatdan tahlil qilinadi. Tadqiqotda imperiya tomonidan turli etnik va diniy guruhlarga nisbatan olib borilgan selektiv siyosat, xususan, Turkiston mahalliy aholisi va mennonit nemislariga nisbatan qo‘llangan yondashuvlar qiyosiy usulda yoritiladi. Shuningdek, diniy e’tiqod, harbiy majburiyat va migratsiya o‘rtasidagi o‘zaro bog‘liqlik ochib berilib, mennonitlarning Turkistonga joylashtirilishi Rossiya imperiyasining strategik manfaatlari bilan bog‘liq murakkab siyosiy jarayon sifatida baholanadi.