FONEMATIK ESHITUVNI RIVOJLANTIRISHNING NUTQ SHAKLLANISHIGA TA'SIRI

Mazkur ishda fonematik eshituv tushunchasi, uning mazmun-mohiyati hamda nutq shakllanish jarayonidagi o‘rni ilmiy-nazariy va amaliy jihatdan tahlil qilinadi. Tadqiqot davomida fonematik eshituvning tovush talaffuzi, lug‘at boyligi, grammatik tuzilma va yozma nutq rivojiga ta’siri ochib berilgan. Shuningdek, fonematik eshituv yetarli darajada rivojlanmagan bolalarda uchraydigan nutq buzilishlari va ularning kelib chiqish sabablari yoritilgan. Ishda fonematik eshituvni rivojlantirishga qaratilgan pedagogik va logopedik usullar, didaktik o‘yinlar hamda mashg‘ulotlarning ahamiyati asoslab beriladi. Tadqiqot natijalari fonematik eshituvni erta yoshdan rivojlantirish nutq buzilishlarining oldini olishda muhim omil ekanligini ko‘rsatadi.