INGLIZ PAREMIOLOGIYASINING MADANIY-TARIXIY ASOSI: SANOAT VA PRAGMATIK, INDIVIDUALIZM VA XUSUSIY MUHIT, DENGIZCHILIK VA DEHQONCHILIK, PROTESTANT ETIKASI

Mazkur maqolada ingliz paremiologiyasining madaniy-tarixiy asoslari kompleks yondashuv asosida tahlil qilinadi. Ingliz maqollari va matallarining shakllanishiga ta’sir ko‘rsatgan sanoat va pragmatik tafakkur, individualizm va xususiy muhit tushunchalari, dengizchilik hamda dehqonchilik bilan bog‘liq hayot tarzi, shuningdek, protestant etikasi bilan uzviy aloqador jihatlar ochib beriladi. Tadqiqot jarayonida paremiologik birliklar orqali ingliz jamiyatining tarixiy tajribasi, iqtisodiy faoliyati va axloqiy me’yorlari qanday aks etgani yoritiladi. Maqolada ingliz xalqining dunyoqarashi va qadriyatlar tizimi maqollar misolida tahlil qilinib, ularning madaniy kod sifatidagi ahamiyati asoslab beriladi.