DISKURSIV BIRLIKLARNING TIL VA TAFAKKUR O'ZARO MUNOSABATIDAGI FUNKSIONAL MEXANIZMLARI

Diskurs nazariyasi asosiy konsepsiyaning ta’rifida uchraydigan metodologik va terminologik noaniqliklarga qaramay, bugungi kunda nafaqat tilshunoslik fanida, balki ommaviy axborot vositalari faoliyatini tahlil qilishga qaratilgan ilmiy tadqiqotlarda ham eng faol va istiqbolli yo‘nalishlardan biri sifatida qaralmoqda. Mazkur yondashuv ommaviy kommunikatsiyani faqat axborot uzatish jarayoni bilan cheklab qo‘ymasdan, balki ijtimoiy-madaniy, pragmatik va semantik omillar bilan uzviy bog‘liq bo‘lgan murakkab nutqiy hodisa sifatida talqin qilish imkonini beradi.