TARIXIY VA MADANIY MEROS OBYEKTLARIDA YASHIL TEXNOLOGIYALARNI JORIY ETISH IMKONIYATLARI

mazkur tezisda tarixiy va madaniy meros obyektlarini saqlash hamda ulardan turizmda samarali foydalanishda “yashil turizm” va yashil texnologiyalar integratsiyasining dolzarbligi yoritilgan. Yashil texnologiyalar atrof-muhitga salbiy ta’sirni kamaytirish, resurslardan tejamkor foydalanish va qayta tiklanuvchi energiya manbalariga tayanish orqali meros obyektlarining xizmat sifatini hamda turistik jozibadorligini oshirishi asoslab beriladi. Xorijiy tajriba misolida energiya boshqaruvi va muqobil energiya yechimlari orqali sezilarli tejamkorlik va CO₂ chiqindilarini kamaytirish imkoniyati qayd etiladi. O‘zbekistonda, xususan Buxoro viloyatida UNDP hamkorligidagi pilot loyihalar hamda “Green Routes” yondashuvi doirasida resurs tejamkorligi, raqamli xizmatlar va ekologik infratuzilma joriy etish istiqbollari yoritilgan.