АСАЛ БЕРУВЧИ ЎСИМЛИКЛАРНИ АРАЛАШ ЭКИШДА ГУЛЛАШ ДАВОМИЙЛИГИ ВА НЕКТАР КОНВЕЙЕРИНИНГ УЗАЙИШИ

Мақолада асал берувчи ўсимликларни аралаш экиш орқали гуллаш давомийлиги ва йиллик нектар конвейерининг узайиши илмий жиҳатдан баҳоланди. Тадқиқотларда якка экиш ва аралаш экиш вариантлари солиштирилиб, гуллаш муддатлари, асал йиғиш давомийлиги ҳамда асал маҳсулдорлигидаги фарқлар таҳлил қилинди. Натижаларга кўра, якка экишда гуллаш давомийлиги 22–28 кунни ташкил этган бўлса, аралаш экиш шароитида ушбу кўрсаткич 38–45 кунгача узайиб, нектар конвейери 15–17 кунга (54–61 %) ошгани аниқланди. Аралаш экишда асал ҳосили гектарига ўртача 365 кг ни ташкил этиб, якка экишга нисбатан 75 кг га юқори бўлди. Шунингдек, асал йиғиш давомийлиги 25 кундан 42 кунгача узайиб, нектар танқислиги даврлари деярли бартараф этилди. Олинган натижалар асал берувчи ўсимликларни гуллаш кетма-кетлигини ҳисобга олган ҳолда аралаш экиш асал маҳсулдорлигини ошириш ва асаларичилик хўжаликларида барқарор озуқа базасини шакллантиришда самарали агро-ўрмончилик усули эканини тасдиқлайди.