SUN'IY INTELLEKT ASOSIDA QANOTNING AERODINAMIK XUSUSIYATLARINI BASHORAT QILISH VA OPTIMAL SHAKLNI CHIZISH

Mazkur tadqiqotda samolyot qanotining aerodinamik ko‘rsatkichlarini tezkor va yuqori aniqlik bilan bashorat qilish hamda optimal geometrik shaklini aniqlashga yo‘naltirilgan integratsiyalashgan sun’iy intellektga asoslangan hisoblash tizimi taklif etiladi. O‘qitish ma’lumotlari fizik qonunlarga asoslangan sintetik belgilash generatori yordamida shakllantirildi. An’anaviy hisoblash suyuqliklar mexanikasi usullariga (CFD) xos bo‘lgan katta hisoblash xarajatlari va vaqt sarfini kamaytirish maqsadida ko‘tarish koeffitsienti (CL) hamda qarshilik koeffitsienti (CD) ni baholash uchun sun’iy neyron tarmoqqa asoslangan muqobil model ishlab chiqildi.