YAPON LIGUSTRUMI (LIGUSTRUM JAPONICUM THUNB) VA XITOY LIGUSTRUMI (LIGUSTRUM SINENSE LOUR) TURLARINING URUG'LARINI EKISH MUDDATLARINI NIHOLLARNING UNIB CHIQISHI VA RIVOJLANISHIGA TA'SIRI

Yapon ligustrumi ( Ligustrum japonicum Thunb.) va Xitoy ligustrumi ( Ligustrum sinense Lour.) turlarining urug‘larini turli ekish muddatlarida ekish nihollarning unib chiqishi, o‘sish sur’ati hamda dastlabki rivojlanish bosqichlariga ko‘rsatadigan ta’siri o‘rganilgan. O‘tkazilgan tadqiqotlar jarayonida urug‘larning unuvchanlik foizi, nihollarning unish vaqti, nihollarning bo‘yining o‘sishi, barglar soni hamda umumiy rivojlanish ko‘rsatkichlari qiyosiy tahlil qilindi. Olingan natijalar statestik tahlil qilindi va ekish muddatining ligustrum turlarining biologik xususiyatlariga mos holda tanlanishi nihollarning sifatli shakllanishida muhim ahamiyatga ega ekanligini ko‘rsatdi. Tadqiqot natijalari ko‘kalamzorlashtirishda qo‘llaniladigan ligustrum turlarining ko‘chatlarini yetishtirish texnologiyasini takomillashtirishda amaliy ahamiyat kasb etadi.