РАҚАМЛАШТИРИШ ШАРОИТИДА СОЛИҚ ТИЗИМИНИНГ ДОЛЗАРБ МАСАЛАЛАРИ

Ҳозирги глобал иқтисодий ривожланиш босқичида рақамлаштириш жараёнлари миллий иқтисодиётнинг барча тармоқларини қамраб олмоқда. Давлат бошқаруви, молия тизими ва хусусан солиқ маъмурчилигида рақамли технологияларни жорий этиш иқтисодий самарадорликни оширишнинг муҳим омилига айланди. Рақамли иқтисодиёт шароитида солиқ тизими олдига янги вазифалар қўйилмоқда, жумладан солиқ базасини кенгайтириш, яширин иқтисодиёт улушини қисқартириш, солиқ тўловчилар билан ўзаро муносабатларни шаффофлаштириш ва маъмурий харажатларни камайтириш масалалари долзарб аҳамият касб этмоқда.