РАҚАМЛИ ТЕХНОЛОГИЯЛАР ОРҚАЛИ МАҲАЛЛИЙ СОЛИҚЛАРНИ БОШҚАРИШНИ ТАКОМИЛЛАШТИРИШ: МЕТОДОЛОГИК ВА АМАЛИЁТ ЙЎНАЛИШЛАРИ

Мазкур мақолада рақамли иқтисодиёт шароитида маҳаллий солиқлар бўйича солиқ маъмуриятчилиги механизмини такомиллаштиришнинг методологик асослари ва амалий йўналишлари тадқиқ этилган. Рақамли технологиялар, катта маълумотлар таҳлили, ахборот тизимлари интеграцияси ҳамда хавф-хатарларга асосланган назорат механизмларининг маҳаллий бюджет даромадларини оширишдаги ўрни илмий жиҳатдан асосланган. Шунингдек, маҳаллий солиқларни рақамлаштириш орқали солиқ базасини кенгайтириш, солиқ интизомини мустаҳкамлаш ва бюджет прогнозларининг аниқлигини таъминлаш имкониятлари таҳлил қилинган. Тадқиқот натижалари маҳаллий бюджетларнинг молиявий барқарорлигини таъминлаш ва солиқ маъмуриятчилигини замонавий рақамли механизмлар асосида трансформация қилиш бўйича амалий таклифларни ишлаб чиқишга хизмат қилади.