SAUDIYA ARABISTONI MILLIY IDENTIKLIGINING DINIY KOMPONENTI

Maqolada Saudiya Arabistonida milliy identiklikning shakllanishi va transformatsiyasi tarixiy-siyosiy hamda diniy omillar kesishmasida tahlil qilingan. Saudiya milliy identikligi diniy-etnik xarakterga ega siyosiy konstrukt sifatida talqin etilib, uning Ol Saud sulolasi va vahhobiylik ta'limoti o‘rtasidagi tarixiy ittifoq asosida shakllangani asoslab berilgan. Vahhobiylikning davlat mafkurasi sifatida institutsionallashuvi, diniy legitimatsiya mexanizmlari va sulolaviy hokimiyatning mustahkamlanishi Saudiya davlatchiligi rivojining muhim omillari sifatida ko‘rib chiqilgan.