AKSELERATSIYA JARAYONI: ETIOLOGIK OMILLARI VA MORFOFUNKTSIONAL XUSUSIYATLARI

Mazkur ilmiy ishda akseleratsiya hodisasining biologik mohiyati, etiologik omillari va organizm tizimlariga ta’siri kompleks tahlil qilindi. Akseleratsiya bolalar va o‘smirlar ontogenezida o‘sish hamda jinsiy yetilish sur’atlarining tezlashuvi bilan tavsiflanadi. Tadqiqotlarda antropometrik ko‘rsatkichlarning oshishi, somatik va funksional tizimlar rivojlanishining jadallashuvi aniqlangan. Jarayonning kelib chiqishida genetik, endokrin, ijtimoiy-iqtisodiy va ekologik omillarning o‘zaro ta’siri muhim rol o‘ynaydi. Akseleratsiyaning ijobiy jihatlari bilan bir qatorda organizm tizimlari o‘rtasida funksional nomutanosiblik yuzaga kelishi mumkinligi asoslab berildi.