TALABALARDA LUG'AT BOYLIGINI OSHIRISHNING SAMARALI USULLARI

Mazkur maqolada talabalarda lug‘at boyligini oshirishning samarali, ilmiy asoslangan va amaliy ahamiyatga ega bo‘lgan usullari yetarlicha yoritilgan. Talabaning til kompetensiyasini rivojlantirishda lug‘at boyligining o‘rni muhim omil sifatida qaralib, so‘zlarni o‘rganish va ularni nutqda faol qo‘llash jarayoni tahlil qilinadi. Maqolada lug‘at boyligini kengaytirishda kontekst asosida o‘qitish, kommunikativ metodlar, interfaol mashg‘ulotlar, muammoli vaziyatlar asosida so‘z o‘rgatish, shuningdek, raqamli ta’lim vositalari va axborot - kommunikatsiya texnologiyalaridan foydalanishning afzalliklari ochib beriladi. Shu bilan birga, talabalarning mustaqil ishlash ko‘nikmalarini shakllantirish, so‘zlarni faol va passiv lug‘atga ajratish, ularni og‘zaki va yozma nutqda muntazam qo‘llash orqali mustahkamlash masalalariga alohida e’tibor qaratiladi. Tadqiqot davomida kuzatuv, taqqoslash va tahlil usullaridan foydalanilib, taklif etilgan metodlarning ta’lim jarayonidagi samaradorligi asoslab beriladi. Maqola natijalari talabalarning nutq madaniyatini rivojlantirish, fikrni aniq va ravon ifodalash hamda til o‘rganish jarayonini yanada samarali tashkil etishda muhim ilmiy-amaliy ahamiyat kasb etadi.