BOSHLANG'ICH SINF O'QUVCHILARIDA INFORMATIKA DARSLARIDA STEAM YONDASHUVNING QO'LLANILISHI

Maqolada boshlang‘ich sinf o‘quvchilarida informatika darslarida STEAM (Science, Technology, Engineering, Art, Mathematics) yondashuvining qo‘llanilishi masalasi tahlil qilinadi. STEAM pedagogik modeli o‘quvchilarning texnologik savodxonligini oshirish, mantiqiy va algoritmik tafakkurini rivojlantirish, ijodiy fikrlash va muammoni hal qilish ko‘nikmalarini shakllantirishga xizmat qiladi. Tadqiqotda interfaol va loyiha asosida o‘qitish metodlari, robototexnika, blokli dasturlash, raqamli ijod va mini-laboratoriya mashg‘ulotlarining STEAM yondashuvini samarali tatbiq etishdagi roli yoritilgan. Maqolada shuningdek, o‘quvchilarning darsga bo‘lgan qiziqishi va faolligi, jamoaviy ishlash ko‘nikmalari, o‘zini namoyon etish imkoniyatlari ushbu metodlar orqali qanday rivojlantirilishi ko‘rsatib berilgan.