TURISTIK KORXONALAR INNOVATSION FAOLIYATINI TARTIBGA SOLISHNING MOLIYAVIY MEXANIZMINING NAZARIY JIHATLARI

Jahon iqtisodiyotining globallashuvi, raqamli transformatsiya jarayonlarining jadallashuvi hamda xizmatlar bozorida raqobatning keskinlashuvi turizm sohasini innovatsion rivojlanish yo‘liga o‘tkazishni talab etmoqda. Turizm bugungi kunda ko‘plab mamlakatlarda yalpi ichki mahsulotning muhim qismini shakllantiruvchi, bandlikni ta’minlovchi va hududiy rivojlanishni rag‘batlantiruvchi strategik tarmoqlardan biri hisoblanadi. Shu bois turistik korxonalar faoliyatida samaradorlikni oshirish, xizmatlar sifatini yaxshilash, yangi turistik mahsulotlar yaratish va bozor talabiga moslashish innovatsion faoliyatni tizimli ravishda tashkil etishni taqozo etadi.