YOSH ULOQLARNI YAYLOV SHAROITIDA BO'RDOQILASH TAJRIBALARI

Ushbu maqolada yosh uloqlarni yaylov sharoitida bo‘rdoqilash samaradorligi, ularning go‘sht mahsuldorligi ko‘rsatkichlari hamda turli hududiy yaylov sharoitlarining ta’siri o‘rganilgan. Tadqiqotlar Qoraqalpog‘iston Respublikasining Ustyurt platosi yaylov hududlarida olib borilib, shimoliy, Orol bo‘yi va janubiy hududlarda parvarishlangan yosh takachalarning tirik vazni, nimta vazni hamda so‘yim chiqimi tahlil qilindi. Olingan natijalar yaylov hosildorligi va tabiiy-iqlim sharoitlari hayvonlarning semizlik darajasi hamda go‘sht chiqimiga sezilarli ta’sir ko‘rsatishini tasdiqladi. Tadqiqot natijalari yaylov sharoitida arzon tannarxli, yuqori sifatli go‘sht yetishtirish imkoniyatlarini ilmiy asoslashga xizmat qiladi.