ZAMONAVIY DARS – BOSHLANG'ICH TA'LIM SAMARADORLIGI GAROVI

Ushbu maqolada boshlang‘ich ta’lim jarayonida zamonaviy darsning tutgan o‘rni va uning ta’lim samaradorligini oshirishdagi ahamiyati yoritilgan. Tadqiqot jarayonida zamonaviy darsning mazmuni, interfaol metodlar, axborot-kommunikatsiya texnologiyalaridan foydalanish, differensiatsiyalangan yondashuv hamda baholashning innovatsion usullarining o‘quvchilar bilimini o‘zlashtirishiga ta’siri tahlil qilindi. Pedagogik kuzatuv va tahlillar natijasida zamonaviy yondashuv asosida tashkil etilgan darslarda o‘quvchilar faolligi, mustaqil fikrlash ko‘nikmalari va o‘qishga bo‘lgan motivatsiyasi sezilarli darajada oshgani aniqlandi. Tadqiqot natijalari zamonaviy dars boshlang‘ich ta’lim sifatini ta’minlashning muhim omili ekanligini ko‘rsatadi hamda amaliy faoliyatda undan samarali foydalanish bo‘yicha tavsiyalar beradi.