ORTIQCHA VAZNLILIKNING ORGANIZM TIZIMLARIGA TA’SIRI VA UNI OLDINI OLISH USULLARI

Mazkur maqolada ortiqcha vaznlilik va semirishning kelib chiqish sabablari, ularning inson organizmi tizimlariga ko‘rsatadigan salbiy ta’siri hamda ushbu holatning oldini olish usullari tahlil qilinadi. Tadqiqotda ortiqcha vaznning yurak-qon tomir, nafas olish, endokrin, ovqat hazm qilish va tayanch-harakat tizimlariga ta’siri ilmiy manbalar asosida yoritilgan. Shuningdek, sog‘lom turmush tarzini shakllantirish, ratsional ovqatlanish, jismoniy faollikni oshirish va profilaktik chora-tadbirlarning ahamiyati ko‘rsatib berilgan. Maqola natijalari ortiqcha vaznlilikning oldini olishga qaratilgan tibbiy va gigiyenik tavsiyalarni ishlab chiqishda muhim ahamiyat kasb etadi.