MUZEYLAR MADANIY XOTIRA VA MILLIY O‘ZLIKNI SHAKLLANTIRISH VOSITASI SIFATIDA

Mazkur maqolada muzeylarning madaniy xotirani saqlash va milliy o‘zlikni shakllantirishdagi ijtimoiy-madaniy ahamiyati ilmiy-nazariy jihatdan tahlil qilingan. Tadqiqot jarayonida madaniy xotira tushunchasining nazariy asoslari, muzeylarning ijtimoiy institut sifatidagi funksiyalari hamda ularning tarbiyaviy va ma’rifiy imkoniyatlari o‘rganilgan. Shuningdek, muzeylar faoliyatining milliy identifikatsiya jarayonidagi o‘rni, tarixiy merosni avlodlararo uzatishdagi ahamiyati va zamonaviy axborot texnologiyalari sharoitida madaniy xotirani rivojlantirish masalalari yoritib berilgan. Tadqiqot natijalari muzeylarni madaniy siyosatning muhim elementi sifatida rivojlantirish zarurligini asoslab beradi hamda ushbu sohada olib borilayotgan ilmiy izlanishlar uchun nazariy va amaliy ahamiyat kasb etadi.