KLINIK SHAROITDA OTORINOLARINGOLOGIYA FANIDA BILIM VA KO‘NIKMALARNI BAHOLASHNING ZAMONAVIY USULLARI

Mazkur ilmiy maqolada tibbiyot oliy ta’lim muassasalarida otorinolaringologiya fanini o‘qitish jarayonida talabalar bilim va amaliy ko‘nikmalarini klinik sharoitda baholashning zamonaviy usullari yoritilgan. Tadqiqotda baholashning an’anaviy yondashuvlaridan farqli ravishda obyektivlik, shaffoflik va kompetensiyaviylikka asoslangan innovatsion metodlarning pedagogik ahamiyati tahlil qilinadi. Xususan, OSCE, klinik holatlar (case study), simulyatsion texnologiyalar, portfolio va elektron baholash tizimlarining otorinolaringologiya fanida qo‘llanilishi o‘rganilgan. Tadqiqot natijalari ushbu usullarning talabalarda klinik fikrlash, amaliy mahorat va kasbiy mas’uliyatni shakllantirishda yuqori samaradorlikka ega ekanligini ko‘rsatadi. Maqolada zamonaviy baholash tizimlarining tibbiy ta’lim sifatini oshirishdagi o‘rni ilmiy-nazariy va amaliy jihatdan asoslab berilgan