OLIY TA’LIMNI XALQAROLASHTIRISH SHAROITIDA BO‘LAJAK PEDAGOGLARNI KASBIY KOMPETENTLIGINI RIVOJLANTIRISHNING NAZARIY-METODOLOGIK ASOSLARI

Mazkur maqolada oliy ta’limni xalqarolashtirish sharoitida bo‘lajak pedagoglarning kasbiy kompetentligini rivojlantirishning nazariy va metodologik asoslari ilmiy jihatdan tahlil etiladi. Unda xalqaro ta’lim tendensiyalari, global ta’lim makonining zamonaviy talablari hamda ilg‘or pedagogik yondashuvlarning bo‘lajak o‘qituvchi shaxsini shakllantirishdagi ahamiyati yoritiladi. Kasbiy kompetentlik tushunchasining mazmuni va tarkibiy qismlari ochib berilib, ularning pedagog kadrlar tayyorlash jarayonidagi o‘rni asoslanadi. Shuningdek, kompetensiyaviy, tizimli, shaxsga yo‘naltirilgan hamda faoliyatga asoslangan metodologik yondashuvlarning nazariy jihatlari tahlil qilinadi. Xalqaro tajribalarni milliy ta’lim tizimiga uyg‘unlashtirish orqali bo‘lajak pedagoglarning kasbiy tayyorgarligini yanada takomillashtirish imkoniyatlari ko‘rsatib beriladi