Perspektiven des Bachelorstudiengangs Deutsch: Akademische, kulturelle und berufliche Perspektiven des Studiengangs Deutsch an der Universität Island

Í þessari ritgerð er sjónum beint að því hvaða faglegu, fræðilegu og menningarlegu tækifæri opnast fyrir nemendur sem útskrifast úr BA-námi í þýsku við Háskóla Íslands. Markmið ritgerðarinnar er að varpa ljósi á hvernig fyrrverandi nemendur meta þýskunám sitt við Háskóla Íslands og á hvaða sviðum þeir hafa nýtt þá prófgráðu sem þeir öfluðu sér. Þá er fjallað um mikilvægi erlendra tungumála í hnattvæddum heimi með sérstakri áherslu á stöðu þýskunnar. Rakið er hvernig tungumál halda gildi sínu þar sem söguleg, efnahagsleg og menningarleg tengsl eru sterk og hvernig þýska skipar þar sérstakan sess sem móðurmál um 90 milljón manna og er áhrifamikið alþjóðlegt samskiptamál á sviði efnahagslífs, vísinda og menningar. Sérstakri athygli er beint að stöðu þýskunnar á Íslandi í sögulegu og samtímalegu samhengi og sýnt fram á hvernig þessi tengsl endurspeglast í íslenska menntakerfinu.