Að byggja brú: Menningarleg áhrif Ottómanveldisins í Serbíu.

Í ritgerðinni verður fjallað um menningarleg áhrif Ottómanveldisins í Serbíu. Gerð verður grein fyrir þeim áhrifum sem eru enn sýnileg í daglegu lífi Serba og einnig ýmsum áhrifum sem nú eru horfin. Fjallað verður um áhrif Ottómana á serbneska tungumálið, til dæmis hvernig ottómönsk tökuorð birtast í málinu, hversu mörg þau eru og hvaða orð eru ennþá í notkun. Aðalefni ritgerðarinnar er byggingarlist en þá verður einnig minnst á orð tengd byggingum. Ottómanar reistu margar moskur í Serbíu, sem voru flestar byggðar í klassískum ottómönskum stíl. Margar voru reistar í Belgrad. Borgin tók að þróast í austrænan héraðsbæ við komu Ottómana á 16. öld, en eina moskan sem stendur þar í dag er Bajrakli moskan. Ritgerðin tekur hana sérstaklega fyrir og einkum er fjallað um Mehmed Paša Sokolović brúna en bæði mannvirkin voru byggð á 16. öld. Þau verða svo settar í víðara sögulegt samhengi. Einnig verður fjallað um eyðileggingu moskna og annarra ottómanskra bygginga í Serbíu. Þannig verða menningarleg áhrif einnig skoðuð út frá þjóðmenningu og hvernig byggingar leika hlutverk í myndun þjóðernissjálfsmynda. Markmiðið er að gera grein fyrir áhrifum Ottómanveldisins í Serbíu og tengslum þeirra við serbneska þjóðernishyggju og einnig að gera tilraun til að skoða af hverju sum áhrif hafa fengið að vera hluti af serbneskri menningu en önnur ekki.