Neysluhættir sem tjáning: Viðhorf og merking neyslu meðal ungs fólks

Neysluhegðun fólks mótast af áhrifum fjölmargra ólíkra þátta. Má þar sem dæmi nefna vini, fjölskyldu, umhverfisþætti og aðra utanaðkomandi hópa. Markmið þessarar rannsóknar var að varpa ljósi á hvernig ungt fólk túlkar upplifun sína á neyslu. Notast var við eigindlega rannsóknaraðferð þar sem tekin voru viðtöl við fimm einstaklinga á aldrinum 20-26 ára. Viðtölin voru svo þemagreind þar sem fimm meginþemu og tvö undirþemu voru áberandi í svörum viðmælenda. Þau þemu sem komu ítrekað fram í viðtölunum voru sterk áhrif annarra, sterk áhrif frá samfélagsmiðlum, umhverfisvitund og sjálfbærni, aukin meðvitund um notagildi og þroski og breytingar með tímanum. Helstu niðurstöður sýndu fram á að ungt fólk upplifir áhrif frá öðrum og samfélagsmiðlum í neysluhegðun sinni þó að það reyni að einhverju leyti að standa gegn þessum þrýstingi og áhrifum. Einnig sýndu niðurstöður fram á að þroski, aukin meðvitund um umhverfismál og breytingar á lifnaðarháttum höfðu áhrif og mótuðu neysluhegðun viðmælendanna.