Mannfjöldasjóður Sameinuðu þjóðanna - Hlutverk Norðurlandanna eftir brotthvarf Bandaríkjanna

Í ritgerð þessari er gerð greining á þróun fjárframlaga ríkja til Mannfjöldastofnunar Sameinuðu þjóðanna (UNFPA) á árunum 1997-2022, með sérstakri áherslu á viðbrögð Norðurlandanna við ákvörðun Bandaríkjanna að hætta fjárveitingum til stofnunarinnar árið 2017. Rannsóknin byggir á blandaðri aðferðarfræði þar sem töluleg gögn um fjárframlög eru greind samhliða ígrundaðri þemagreiningu á opinberri orðræðu Norðurlandanna. Niðurstöður sýna að fá ríki standa að baki meginhluta fjármögnunar UNFPA og að Norðurlöndin juku stuðning sinn á umræddu tímabili. Greiningin veitir innsýn í viðbrögð Norðurlandanna við breytingum í alþjóðlegu pólitísku umhverfi á sviði SRHR.