Viking Age Connectivity as Reflected in Frankish Annalistic Writing: An analysis of connections, diplomatic contacts, and trade as they appear in the Frankish Annals

Í þessari ritgerð er rýnt í heimildir um tengni (e. connectivity) á víkingatímanum eins og hún birtist í konunglegu frankísku annálunum (Annales regni Francorum), annálum heilags Bertinusar (Annales Bertiniani), annálunum frá Fulda (Annales Fuldensis) og Chronicon eftir Regino Prumiensis. Ritgerðin byggist á nákvæmum lestri og rýni þessara heimilda og leitast er við að varpa ljósi á við hverja Frankar áttu einna helst samskipti, en einnig hvað þær segja okkur um tengni utan Frankaríkis. Í ritgerðinni eru einnig tekin fyrir mismunandi gerðir diplómatískra tengsla og vitnisburðir um viðskiptasambönd í annálunum. Ritgerðin veitir yfirlit yfir heimildir um margbrotin tengsl í annálunum. Heimildirnar veita innsýn í þrenns konar diplómatísk tengsl. Þá birtist í þessum heimildum brotakennd en þó afar mikilvæg mynd af þekktum viðskiptatengslum víkingaaldar. Rannsóknin gefur tilefni að ætla að fyllri mynd af tengni á víkingaöld megi fá með sambærilegri rannsókn á stærra safni ritheimilda úr öðrum samfélögum á þessum tíma.