Tom Schmidt: Stadnamn i Øystre Slidre – slik dei har vore brukte i bygdemålet

I 2005 gav Tom Schmidt ut Nøvn austa åsen. Bustadnamn i Øystre Slidre, og Jarle Bondevik runda av bokmeldinga si i Namn og nemne (2005: 132) med ei oppmoding til forfattaren: «Tenk om Schmidt kunne få helse og levedagar, og ikkje minst lyst til å skriva om heile namneskatten i denne bygda: teignamn i innmarka, utmarksnamn, namn frå stølsmarka og dei svære fjellviddene som høyrer Øystre Slidre til». Ynsket gjekk i oppfyll­ing i fjor haust med Stadnamn i Øystre Slidre – slik dei har vore brukte i bygdemålet.